点击图片阅读
▼
世界游牧运动会 ▎The Remote World of Nomads
འཛམ་གླིང་འབྲོག་པའི་མི་རིགས་ལུས་རྩལ་འགྲན་ཚོགས་སྟེང་གི་ལད་ཟློས་དམག་འཁྲུག། འགོ་ཚུགས་མཛད་སྒོའི་ཐོག་སྲོལ་རྒྱུན་གྱི་གྱོན་ཆས་གྱོན་པའི་བུད་མེད།
པར་བ། Viktor Drachev/TASS
རྟ་ཐོག་གི་སྦེ་གའི་འགྲན་བསྡུར། རྟ་ཐོག་གི་མདའ་འཕེན་བཀྲབས་མི། པར་བ། Viktor Drachev/TASS
ལུས་ལ་གནའ་བོའི་གྱོན་ཆས་གྱོན་པའི་མདའ་པ།
པར་བ། Viktor Drachev/TASS
ན་གཞོན་ཚོས་སྤོ་ལོ་འགྲན་བསྡུར་བྱེད་བཞིན་པ། པར་བ། Viktor Drachev/TASSརྟ་རྩལ་པས་རྟ་ཐོག་ནས་རྩལ་ལག་འཁྲབ་སྟོན་བྱེད་བཞིན་པ། པར་བ། Viktor Drachev/TASS
资料来源 |factsanddetails.com
theguardian.com
behzadlarry.com
dianebarker.net
编辑：普桑加
翻译:普桑加
校对：刘时
འཛམ་གླིང་འབྲོག་པའི་མི་རིགས་ལུས་རྩལ་འགྲན་ཚོགས།འཛམ་གླིང་འབྲོག་པའི་མི་རིགས་ལུས་རྩལ་འགྲན་ཚོགས། འཛམ་གླིང་འབྲོག་པའི་མི་རིགས་ལུས་རྩལ་འགྲན་ཚོགས་ནི་ཨེ་ཤེ་ཡ་དབུས་མའི་འབྲོག་པའི་མི་རིགས་ལ་ཆེད་དུ་དམིགས་པའི་རྒྱལ་སྤྱིའི་རང་བཞིན་གྱི་ལུས་རྩལ་འགྲན་བསྡུར་ཞིག་ཡིན་པ་དང་ལོ་གཉིས་ལ་ཐེངས་གཅིག་རེར་འཚོགས་བཞིན་ཡོད། རྒྱལ་སྤྱིའི་ལུས་རྩལ་འགྲན་བསྡུར་གཞན་དག་དང་བསྡུར་ན་འདི་ནི་འཛམ་གླིང་ཐོག་འབྲོག་པ་མི་རིགས་ཀྱི་ལུས་རྩལ་རྣམ་གྲངས་སྣ་ཚོགས་ཚུད་པའི་ལུས་རྩལ་འགྲན་ཚོགས་གཅིག་པུ་དེ་ཡིན།
༢༠༡༤ལོར་ཅིར་ཅི་སི་སི་ཐན་དུ་འཚོགས་པའི་སྐབས་དང་པོའི་འཛམ་གླིང་འབྲོག་པའི་མི་རིགས་ལུས་རྩལ་འགྲན་ཚོགས།
འབྲོག་པའི་མི་རིགས་ནི་རྟ་ཐོག་གི་མི་རིགས་ལ་གོ་ཞིང་། འཛམ་གླིང་འབྲོག་པའི་མི་རིགས་ལུས་རྩལ་འགྲན་ཚོགས་ཀྱི་འགྲན་བསྡུར་རྣམ་གྲངས་མང་པོ་ཞིག་རྟ་དང་འབྲེལ་བ་ཡོད་པ་དང་རྟ་རྒྱུག་ལ་དཔེ་བལྟས་ནས་ལམ་ཐག་རིང་བའི་རྟ་རྒྱུག། (སྤྱི་ལེ༨༠) ལམ་ཐག་ཐུང་བའི་རྟ་རྒྱུག། (སྤྱི་ལེ༡༡) ཐོ་རུའི་རྟ་རྒྱུག་(སྤྱི་ལེ༡༡)བཅས་རིགས་གསུམ་དུ་དབྱེ་ཡོད། གནའ་བོའི་སྲོལ་རྒྱུན་གྱི་འགྲན་བསྡུར་སྒྲིགས་ལམ་བརྩི་སྲུང་བྱེད་པ་ཡང་དེང་རབས་རྟ་རྩལ་ལུས་རྩལ་དང་ཧ་ཅང་མི་འདྲ་སྟེ། རྟ་རྒྱུག་འགྲན་བསྡུར་ལས་གཞན་ལུས་རྩལ་འགྲན་ཚོགས་ཐོག་ད་དུང་རྟ་ཐོག་ནས་མདའ་འཕེན་པ་དང་རྟ་ཐོག་ནས་ཤུགས་འགྲན་པ། རྟ་ཐོག་ནས་འཕང་མདུང་འཕེན་པ་སོགས་ཀྱི་འགྲན་བསྡུར་རྣམ་གྲངས་བཀོད་སྒྲིག་བྱས་ཡོད། དེའི་ནང་ནས་རྟ་ཐོག་ནས་ཤུགས་འགྲན་པ་ནི་ཅིར་ཅི་སི་སི་ཐན་གྱི་སྲོལ་རྒྱུན་གྱི་རྟ་ཐོག་ནས་ལག་འཛིང་བྱེད་པའི་རྣམ་གྲངས་ཤིག་ཡིན་ཞིང་། གནའ་རབས་འབྲོག་པའི་མི་རིགས་ཀྱི་དམག་དོན་བྱེད་སྒོ་ནས་རིམ་འགྱུར་བྱུང་བ་ཞིག་རེད། འགྲན་ཞུགས་པ་རྟ་ལ་ཞོན་ནས་བང་རྩལ་འགྲན་བཞིན་པ། པར་བ། Viktor Drachev/TASSདང་ཐོག་འཛམ་གླིང་འབྲོག་པའི་མི་རིགས་ལུས་རྩལ་འགྲན་ཚོགས་ནི་ཅིར་ཅི་སི་སི་ཐན་དང་ཧ་སག་སི་ཐན། ཝུའུ་ཙི་པིའེ་ཁེ་སི་ཐན་དང་ཐུའུ་ཁུའུ་མན་སི་ཐན། ཐུར་ཁེ། ཨ་སེ་པའེ་ཅང་བཅས་རྒྱལ་ཁབ་ཁ་ཤས་ཀྱི་མཉམ་ལས་ནང་རྐྱེན་ཁྲོད་བཏོན་པ་དང་། མཉམ་འབྲེལ་རྒྱལ་ཚོགས་སློབ་གསོ་ཚན་རིག་རིག་གནས་རྩ་འཛུགས་ཀྱི་རོགས་རམ་འོག་འགྲན་བསྡུར་སྒྲིག་འཛུགས་ཨུ་ལྷན་གྱིས་ཕར་འགྲོ་ཚུར་འོང་གི་ཉམས་མྱོང་བསྡུ་ལེན་བྱས་པའི་རྨང་གཞིའི་ཐོག་མཐོང་རྒྱ་དེ་འཛམ་གླིང་ཁྱབ་ཁོངས་ནང་གི་འབྲོག་པའི་མི་རིགས་ཀྱི་ཤེས་རིག་དར་འབྱེད་དུ་བཏང་ཡོད། འདི་ཡང་ཏག་ཏག་འགྲན་སྡུར་འདི་སྤེལ་བའི་ཐོག་མའི་བསམ་འདུན་དང་མཐུན། འབྲོག་པའི་མི་རིགས་ཀྱི་ཤེས་རིག་ནི་ཐན་སྐྱོན་དང་ཕྱེད་ཐན་སྐྱོན་ས་ཁུལ་ནས་གསོ་སྐྱོང་བྱས་པའི་མིའི་རིགས་ཀྱི་ཤེས་རིག་ཞིག་ཡིན་ལ། འབྲོག་པའི་ཤེས་རིག་དང་རི་དྭགས་རྔོན་པའི་ཤེས་རིག། རྨོ་འདེབས་ཤེས་རིག་ཚང་མ་མིའི་རིགས་ཀྱི་ཤེས་རིག་གི་གཅེས་ནོར་ཡིན།
དེང་རབས་ཀྱི་འབྲོག་པའི་མི་རིགས།
སོག་པོའི་འབྲོག་པའི་མི་རིགས།གནའ་ནས་བཟུང་། རུ་བ་སྐྱས་སྤོ་བྱེད་པ་ནི་སོག་པོའི་འཚོ་བ་རོལ་སྟངས་ཤིག་ཡིན། དུས་ཚིགས་རེ་རེར་ཁོ་ཚོ་ས་ཆ་གཞན་དུ་རུ་བ་སྤོས་ནས་འཚོ་བ་རོལ་བཞིན་ཡོད། སོག་པོའི་འབྲོག་པའི་མི་རིགས་ཀྱི་ཕྱུགས་ཟོག་ལ་ར་ལུག་དང་རྟ། བ་གླང་། རྔ་མོང་སོགས་ཡོད།
ཨུ་རུ་སུ་དང་ཀྲུང་གོ། ཧ་སག་སི་ཐན་བཅས་ཀྱི་བར་དུ་གནས་ཡོད་པ་དང་སོག་པོའི་ནུབ་ཕྱོགས་ཀྱི་པ་ཡན་ཨོར་ཀའེ་ཞིང་ཆེན་ལ་ཨེ་ཤ་ཡ་དབུས་མའི་བདེ་ཐང་གི་འཚོ་བའི་ཤུགས་རྐྱེན་ཐེབས་པ་ལས་ཤར་ཕྱོགས་སུ་རྒྱ་བསྐྱེད་པའི་སོག་པོའི་རྩྭ་ཐང་རྒྱ་ཆེན་པོ་ཞིག་མིན།
སོག་པོའི་དགུན་ཁའི་འབྲོག་ས།
སོག་པོའི་དགུན་ཁའི་འབྲོག་ས།
དྲོད་ཚད་ཇེ་དམའ་རུ་སོང་བ་དང་བསྟུན་ནས་ཁ་བ་བབས་ནས་ས་གཞི་གཡོགས་པ་དང་དགུན་ཁ་ནི་ཡ་ང་བའི་དུས་སྐབས་ཤིག་ཡིན། སྒོ་ཕྱུགས་བཟའ་ཆས་གཙོ་བོར་གྱུར་ནས་ཡོང་འབབ་དང་སྐྱེལ་འདྲེན་ཡོང་ཁུངས་གཙོ་བོར་བྱེད་པའི་འབྲོག་པའི་མི་རིགས་ཤིག་ལ་མཚོན་ན་ཁོ་ཚོས་ངེས་པར་དུ་གྲང་ངར་ལ་གཡོལ་བའི་ས་ཆ་ཞིག་ཡོད་པར་ཁག་ཐེག་བྱེད་དགོས། ཁ་བ་ཆེན་པོ་འབབ་སྐབས་སྔར་བཞིན་ཕྱུགས་འཚོ་ཐུབ་པའི་ཆེད་དུ་ཕྱུགས་ཁྱུ་དག་གཟན་ཆག་འདང་བའི་ས་ཆར་རུ་བ་སྤོར་དགོས།
སོག་པོའི་འབྲོག་པའི་མི་རིགས་རྟག་པར་ས་ཆ་གཞན་དུ་རུ་བ་སྤོ་དགོས་པའི་རྐྱེན་གྱིས་ཡངས་ཤིང་རྒྱ་ཆེ་བའི་བདེ་ཐང་ཐོག་འཚོ་བ་རོལ་བཞིན་ཡོད་ལ། རྟ་ནི་འགྲིམ་འགྲུལ་ཡོ་བྱད་གཙོ་བོ་རུ་གྱུར་ཡོད། སྲོལ་རྒྱུན་ཐོག་སྐྱེས་པ་རྟ་ལ་ཞོན་པ་དང་བུད་མེད་རྟ་ལ་ཞོན་པའམ་ཡང་ན་ཁལ་ཕྱུགས་ཀྱི་སྟེང་དུ་ཞོན། རྔ་མོང་དང་འབྲི་གཡག། ཤིང་རྟ་འཁོར་ལོ་བཅས་ནི་སྲོལ་རྒྱུན་གྱི་སྤོ་འགུལ་བྱས་ཆོག་པའི་རྒྱུ་ནོར་ས་གདན་དང་སླ་ང་། དཀར་ཡོལ། སྡེར་མ། སྒྲོམ། ཐབ་ཀ་སོགས་གནས་སྤོ་སྐབས་བེད་སྤྱོད་བྱེད་བཞིན་ཡོད། སོག་པོའི་ཕྱུགས་འཚོ་བའི་འཚོ་བ་སྐྱེལ་སྟངས་ཧ་ཅང་དངོས་དོན་གཉེར་བ་དང་མཐུན་ལ། སྲོལ་རྒྱུན་དང་དེང་རབས་འཚོ་བའི་ཕྱོགས་གང་ཅིའི་ཐད་ནས་དོ་སྙོམས་བྱུང་བ་དེས་ཁོང་ཚོའི་འཚོ་བ་དེ་བས་བློ་བདེ་བག་ཕེབས་དང་ལས་ཕྱོད་ཆེ་རུ་འགྲོ་རྒྱུར་ཕན་ཐོགས་བྱུང་ཡོད།
ཧ་སག་སི་ཐན་གྱི་འབྲོག་པའི་མི་རིགས།ཧ་སག་རིགས་ནི་གནའ་བོའི་མི་རིགས་ཤིག་ཡིན་ཞིང་། དེའི་གྲུབ་ཆ་གཙོ་བོ་ཨེ་ཤ་ཡ་དབུས་མ་དང་ཨེ་ཤ་ཡ་ནུབ་མར་ཡོད་ལ། གཙོ་བོ་ཧ་སག་སི་ཐན་དང་ཀྲུང་གོ། ཨུ་རུ་སུ། ཝུའུ་ཙི་པིའེ་ཁེ་སི་ཐན། ཐུར་ཁེ། སོག་པོ་སོགས་རྒྱལ་ཁབ་ཏུ་ཁྱབ་ཡོད། ཧ་སག་གི་འབྲོག་པ་སྟོན་སར་རུ་བ་སྤོ་བཞིན་པ།
འདྲ་པར་ཡོང་ཁུངས། རྒྱལ་སྤྱིའི་ཡུལ་སྐོར་པར་ལེན་དྲ་བ།
ཧ་སག་རིགས་ནི་འཛམ་གླིང་ཐོག་སྐད་གྲགས་ཡོད་པའི་འབྲོག་པའི་མི་རིགས་ཀྱི་གྲས་ཤིག་ཡིན་ལ། ཁོང་ཚོ་དཔའ་ངར་ཆེ་བ་དང་གླུ་ལེན་གར་འཁྲབ་ལ་མཁས་པ། རྟ་རྩལ་ཁྱད་དུ་འཕགས་པས་ད་ལྟ་སྔར་བཞིན་གདོད་མའི་འཚོ་བ་སྐྱེལ་སྟངས་རྒྱུན་འཁྱོངས་བྱེད་བཞིན་ཡོད། ཧ་སག་ནི་ཀྲུང་གོའི་གནའ་རབས་ཀྱི་“ཧི་ས”དང་“ཨ་ས”ཡང་ན་“ཁུ་ས”ཡི་མིང་མི་འདྲ་བ་ཡིན། མི་ལ་ལས་ཧ་སག་ནི་“འཐབ་འཛིང་པ”དང་“རང་དབང་གི་མི” “ཁ་བྲལ་མཁན”་བཅས་ཡིན་ཞེས་འགྲེལ་བཤད་བརྒྱབ་ཡོད། ལྷ་སྒྲུང་ལྟ་བུའི་དམངས་ཁྲོད་ཀྱི་ངག་རྒྱུན་ནང་“ཧ་སག”ཞེས་པའི་གོ་དོན་ནི་“ངང་པ་དཀར་པོ”ཞེས་པའི་དོན་ཡིན་ཟེར། མིང་འདིའི་ཐོག་ནས་ཧ་སག་རིགས་འདུས་སྡོད་དང་རུ་བ་སྤོ་བའི་སྲོལ་རྒྱུན་མཚོན་ལ། ཧ་སག་རིགས་ཀྱི་ལོ་རྒྱུས་ཡུན་རིང་ལྡན་ཞིང་སྣ་མང་ཕུན་སུམ་ཚོགས་པའི་འབྲོག་པའི་རིག་གནས་དེ་ལོ་གཅིག་གི་དུས་ཚིགས་བཞི་པོའི་“རུ་སྤོ”འཚོ་བའི་ཁྲོད་གཅིག་བསྡུས་ཐོག་མངོན་ཡོད།
ཧ་སག་གི་ཕྱུགས་རྫི།
མི་ལ་ལས་འཇིག་རྟེན་སྟེང་ལམ་དུ་བགྲོད་མཁན་ཆེས་མང་བ་དང་འཇིག་རྟེན་སྟེང་རུ་སྤོ་བྱེད་པར་བརྩོན་མཁན་ཡང་ཧ་སག་རིགས་རེད་ཟེར། འབྲོག་པ་ཚོས་རང་གི་རྐང་པ་གཉིས་ལ་བརྟེན་ནས་ཁ་བས་གཡོགས་པའི་ས་རྒོད་ལུང་སྟོང་དུ་བསྐྱོད་པ་དང་། རྟ་ནི་ཁོ་ཚོའི་ཁྱིམ་གྱི་རྒྱུ་ནོར་ཡོད་ཚད་ཡིན་པ་དང་དེས་ཧ་སག་རིགས་ཀྱི་ལོ་བརྒྱའི་སྲོལ་རྒྱུན་ཐེག་ཡོད།
བྱང་པའི་སྦྲ་གུར་ནང་གི་བུད་མེད།
བྱང་པའི་ཕྱུགས་རྫི།
པར་བ། Behzad J.Lry
བྱང་པའི་སྦྲ་གུར་དང་ལུག་ཁྱུ།
ལ་དྭགས་ས་ཁུལ་གྱི་ཕྱུགས་རྫི།
ལ་དྭགས་ས་ཁུལ་གྱི་ཕྱུགས་རྫི།
པར་བ། Behzad J. Larry
ལ་དྭགས་ས་ཁུལ་གྱི་ཕྱུགས་རྫི།
པར་བ། robertvankoesveld
ལ་དྭགས་ས་ཁུལ་གྱི་ཕྱུགས་རྫི།
པར་བ། robertvankoesveld
ལ་དྭགས་ས་ཁུལ་གྱི་ཕྱུགས་རྫི།
པར་བ། robertvankoesveld
རྒྱ་གར་གྱི་ཧི་མ་ཅཱལ་མངའ་སྡེའི་ཡུལ་ལྗོངས་རི་མོ་ལྟར་མཛེས་པའི་ལ་དྭགས་ཁུལ་བྱང་པ་གྲོང་རྡལ་ནི་སྔོ་ཐིང་ཐིང་གི་ར་ཝི་ལུང་གཞུང་དུ་ཆགས་ཡོད། འཇིག་རྟེན་རྙིང་པའི་ཡིད་དབང་འཕྲོག་ཤུགས་ཁྲོད་ཁྲུས་བྱེད་པའི་རང་བྱུང་གི་ལྷ་ཡུལ་ཞིག་དང་ཀུན་ནས་མཚུངས། བྱང་པ་ནི་ལ་དྭགས་ཁུལ་ཤར་ལྷོའི་རྒྱུད་ནས་ཀྲུང་གོའི་བོད་ཡུལ་གྱི་ནུབ་བྱང་རྒྱུད་བར་སྤྱི་ལེ་༡༦༠༠བར་མུ་འབྲེལ་ནས་ཆགས་ཡོད། ཆ་སྙོམས་ཀྱི་རྒྱ་མཚོའི་ངོས་ལས་མཐོ་ཚད་སྨི་༤༥༠༠ཡིན། ས་གཞི་སྡུག་ཆགས་དེ་ཁྱིམ་དུ་བརྩི་བཞིན་པའི་འབྲོག་པའི་མི་རིགས་ལ་བྱང་པ་བའམ་བྱང་ཕྱོགས་ཀྱི་མི་ཞེས་འབོད་བཞིན་ཡོད། ཁོ་ཚོའི་མིང་ཡང་ས་ཁུལ་འདི་ནས་བྱུང་བ་ཡིན་ལ། དེ་རང་སྟེང་གི་ནང་དོན་ནི་བྱང་ཕྱོགས་བདེ་ཐང་ལ་གོ། མཁར་ནག་འབྲོག་པའི་མི་རིགས།
ལ་དྭགས་མཁར་ནག་གི་འབྲོག་པ། རྒྱ་གར་གྱི་ཧི་མ་ལ་ཡའི་རི་རྒྱུད་ལ་དྭགས་ཁུལ་གྱི་ཐག་རིང་ལུང་ཁུག་གི་བདེ་ཐང་མཐོན་པོའི་སྟེང་དུ་དེ་སྔ་མཁར་ནག་འབྲོག་པའི་ཁྱིམ་ཚང་༡༢༠ལས་གྲུབ་པའི་སྡེ་ཁུལ་ཞིག་ཡོད། ཁོ་ཚོས་ཁུ་ལུ་དང་ལུག་བལ་གྱི་ལས་ཀ་གཉེར་ནས་དུས་རབས་འགའ་ལ་ཚོང་ལས་གཉེར་མྱོང་། གནམ་གཤིས་ཀྱི་ཆ་རྐྱེན་ཧ་ཅང་ཞན་པ་དང་དེ་བཞིན་བདེ་ཐང་དང་སློབ་གསོ་སོགས་གཞི་རྩའི་ཞབས་ཞུ་དཀོན་པའི་དབང་གིས་ཁྱིམ་ཚང་མང་ཆེ་བ་ཕ་ཡུལ་དང་ཁ་བྲལ་ཏེ་གྲོང་ཁྱེར་དུ་རུ་བ་སྤོ་བའི་བརྒྱུད་རིམ་དེ་ད་ལྟའི་བར་དུ་ལོ་ངོ་ཉི་ཤུ་ལྷག་གི་རིང་ལ་རྒྱུན་བསྐྱངས་ནས་ཡོང་པ་ཡིན་ལ། ད་ལྟ་དུད་ཁྱིམ་བཅུ་དྲུག་ལྷག་མཁར་ནག་དུ་བསྡད་ཡོད་པ་དང་མི་མང་ཆེ་བ་ནི་རྒན་པ་དག་ཡིན། བོད་ཡུལ་གྱི་འབྲོག་པའི་རིག་གནས།བོད་ཡུལ།
པར་བ། Alberto Garoffolo
བོད་ཡུལ་གྱི་འབྲོག་པའི་མི་རིགས་ནི་བོད་ཡུལ་རིག་གནས་ཀྱི་སྲོག་ཤིང་དང་བླ་སྲོག་ལྟ་བུ་ཡིན། དེ་སྔ་དུས་ནམ་ཞིག་ལ་མདོ་དབུས་མཐོ་སྒང་གི་མཐོ་སར་འབྲོག་པའི་མི་རིགས་ཀྱིས་ཁོང་ཚོའི་ནོར་གནག་དེད་ཡོང་ནས་ས་གཞི་འདིའི་ཐོག་ནས་ཕྱིར་ཡན་བྱེད་པ་དང་དམིགས་བསལ་གྱི་ས་ཆ་མེད་པར་ཁྱིམ་ཞེས་བརྗོད་ཆོག་པའི་ཡངས་ཤིང་རྒྱ་ཆེ་བའི་ས་གཞིའི་ཐོག་ཡུལ་འཁྱར་བྱེད་བཞིན་ཡོད། གནའ་བོའི་འབྲོག་པ་འདི་དག་གིས་འབྲོག་ས་ཞིག་ནས་འབྲོག་ས་གཞན་ཞིག་ཏུ་རུ་བ་སྤོས་ནས་མཐོ་སྒང་སྟེང་དུ་སྒར་བརྒྱབ་ནས་ནོར་གྱི་རྩིད་པས་བཟོས་པའི་སྦྲ་གུར་ནང་འབྲོག་པའི་མི་རིགས་ཀྱི་འཚོ་བ་སྐྱེལ་བཞིན་ཡོད།
བོད་ཡུལ་གྱི་འབྲོག་པས་ནོར་ཁྱུ་རུ་བ་སྤོ་བཞིན་པ། འདྲ་པར་ཡོང་ཁུངས། exploretibet.com
འདྲ་པར་ཡོང་ཁུངས། topodesigns.com
འདྲ་པར་ཡོང་ཁུངས། topodesigns.comལོ་ངོ་སྟོང་ཕྲག་རིང་ནས་བཟུང་འབྲོག་པའི་མི་རིགས་དེ་དག་གིས་ཁོང་ཚོའི་ནོར་ཁྱུ་རུ་བ་སྤོ་རྒྱུ་རྒྱུན་འཁྱོངས་བྱས་ནས་དུས་ཚིགས་ཀྱི་འགྱུར་ལྡོག་དང་བསྟུན་ནས་ཁོང་ཚོའི་འབྲོག་སར་ཡང་འགྱུར་ལྡོག་འགྲོ་བཞིན་འདུག། དབྱར་ཁར་ཁོ་ཚོས་ཅུང་མཐོ་བའི་ས་ཁུལ་གྱི་ཕྱུགས་ར་ནས་ནོར་ལུག་འཚོ་བཞིན་ཡོད་པ་དང་གནམ་གཤིས་གྲང་དུ་ཕྱིན་པ་དང་ཆབས་ཅིག་འབྲོག་པའི་མི་རིགས་ཀྱིས་སྲོལ་རྒྱུན་གྱི་ཕྱུགས་འཚོའི་ལམ་ཐིག་བརྒྱུད་རྒྱ་མཚོའི་ངོས་ལས་མཐོ་ཚད་ཅུང་དམའ་བའི་དགུན་དུས་ཀྱི་འབྲོག་སར་བསྐྱོད་བཞིན་ཡོད། ཁོ་ཚོ་ཕྱིར་ཡན་ལ་འགྲོ་བའི་ཚད་བཀག་ཉག་གཅིག་ནི་ཧི་མ་ལ་ཡའི་རི་རྒྱུད་མཐོན་པོ་དང་གཏིང་ཟབ་པའི་གྲོག་རོང་དང་གནམ་གཤིས་ཡིན་ལ། འབྲོག་པའི་འཚོ་བ་རོལ་སྟངས་འདི་རིགས་ནི་རང་བྱུང་ཁམས་དང་འོས་ཤིང་འཚམ་པ་ཞིག་ཡིན་ལ། གནམ་གཤིས་འགྱུར་ལྡོག་ཆེ་བའི་རྐྱེན་གྱིས་ཁོ་ཚོས་ནོར་ཁྱུ་དང་ལུག་ཁྱུ་རུ་བ་སྤོས་ནས་འབྲོག་ས་གསར་བ་ཞིག་འཚོལ་དགོས། མི་རབས་མང་པོ་ནས་བཟུང་བོད་ཡུལ་གྱི་འབྲོག་པའི་མི་རིགས་ཀྱི་ས་ཆ་དང་ཁོང་ཚོས་གསོ་སྐྱོང་བྱས་པའི་ཕྱུགས་རིགས་དབར་འབྲེལ་བ་དམ་པོ་ཞིག་བཙུགས་ཡོད།
ཕྱུགས་རའི་སྐྱེ་ཁམས་རིག་པ་བ་Daniel Millerལགས་ཀྱི་གསུངས་རྒྱུར་“བོད་ཡུལ་གྱི་འབྲོག་པའི་མི་རིགས་ལ་ཁྲོམ་རའི་སྟོབས་ཤུགས་སམ་འཛད་སྤྱོད་རིང་ལུགས་པས་འདོད་རྔམ་གྱི་སྐུལ་མ་སོགས་མ་ཐེབས་པར་འཚོ་བ་སྟབས་བདེ་ཞིག་སྐྱེལ་པ་ལས་གྲོང་ཁྱེར་དུ་གཏན་སྡོད་བྱས་མེད་ལ། སྲོལ་རྒྱུན་ཐོག་ནོར་གནག་(ལུག་དང་ར་མ་ཡང་ནང་དུ་འདུས།) གིས་འབྲོག་པ་ཚོར་ཁོང་ཚོའི་དགོས་མཁོ་ཆེ་བའི་ཟ་མ་དང་གྱོན་གོས། སྦྲ་གུར། ཀོ་བའི་ཁུག་མ། ལྕི་བ་སོགས་མཁོ་འདོན་བྱེད་བཞིན་ཡོད། དགོས་མཁོ་གཞན་དག་དཔེར་ན་རྩམ་པ་དང་གྲོ་ལ་བོད་རིགས་འབྲོག་པ་ཚོས་མཉམ་ལས་ཁང་ཆུང་གྲས་ཀྱི་རྣམ་པའི་ཐོག་ནས་གཉེར་སྐྱོང་བྱས་ཏེ་ཞིང་པ་དང་ཚོང་ཟོག་བརྗེ་རེས་ཀྱི་ཉོ་ཚོང་བྱེད་བཞིན་ཡོད།”
བོད་ཡུལ་གྱི་འབྲོག་པ།
པར་བ། Diane Barker
བོད་ཡུལ་གྱི་འབྲོག་པ།
པར་བ། Geoffbrowne
བོད་ཡུལ་གྱི་འབྲོག་པ།
པར་བ། Geoffbrowne
“བོད་མི་ཚོས་ས་གཞི་འདི་བླ་ན་མེད་པ་ཞིག་ཡིན་པ་དང་སའི་གོ་ལར་སྲུང་སྐྱོང་བྱེད་མཁན་གྱི་སྙིང་སྟོབས་ལས་བྱུང་བ་ཞིག་ཡིན་པར་ཡིད་ཆེས་བྱེད་བཞིན་ཡོད། (སའི་གོ་ལར་བརྩི་འཇོག་བྱེད་པ་ལས་ཕོག་ཐུག་གཏོང་མི་རུང་བ།) དེའི་ཐོག་ནས་ཀྱང་ཁོང་ཚོས་ཁོར་ཡུག་ལ་ཚོར་བ་སྐྱེན་པོ་དང་སྲུང་སྐྱོང་བྱེད་པ་མཚོན་བཞིན་ཡོད། ཡིད་སྐྱོ་བ་ཞིག་ལ་བཟོ་ལས་ཅན་དུ་འགྱུར་བཞིན་པའི་འཇིག་རྟེན་དུ་ང་ཚོའི་སྔ་མོ་ནས་སའི་གོ་ལ་ནི་ཁྱད་དུ་འཕགས་པ་ཞིག་ཡིན་པའི་འདུ་ཤེས་དེ་དོར་འདུག། ང་ཚོས་དེ་གསར་སྤེལ་དང་འཕྲོག་བཅོམ་བྱས་ནས་དེ་ནི་ཚད་མེད་ཀྱི་ཐོན་ཁུངས་ཤིག་ཡིན་པར་བསམ་བཞིན་ཡོད། གལ་ཏེ་ང་ཚོས་འབྲོག་པའི་མི་རིགས་དང་བོད་རིགས་ལ་སློབ་སྦྱོང་བྱས་ཚེ་ང་ཚོས་རང་ཉིད་ཀྱིས་བསྒྲུབས་བཞིན་པའི་ཨ་མ་དང་འདྲ་བའི་སའི་གོ་ལར་འབྲེལ་བ་ཡོད་པའི་བྱ་བ་མཐའ་དག་ལ་བསམ་བློ་ཞིབ་ཕྲ་གཏོང་སྲིད། ང་ཚོས་ང་ཚོ་དང་སའི་གོ་ལའི་བར་འབྲེལ་བ་དམ་པོ་ཡོད་པ་གཞི་ནས་བརྗེད་འདུག། ཡིད་སྐྱོ་བ་ཞིག་ལ། དུས་རབས་འདི་ལ་ཕན་ཚུན་ཁ་འབྲལ་དགོས་པའི་འདུ་ཤེས་ཞིག་གི་ང་ཚོའི་གོ་ལ་ཧྲིལ་བོའི་འདུ་ཤེས་ལ་ཁ་ལོ་བསྒྱུར་སོང་། གལ་ཏེ་ང་ཚོས་སའི་གོ་ལའི་ཉེན་བརྡ་ལ་དོ་སྣང་མ་བྱས་ན་ཆུ་ལོག་དང་མེ་རི་འཕྱུར་བ། འཁྱགས་རོམ་ཞུ་བ། སྐྱེ་དངོས་ཀྱི་རིགས་རྩ་མེད་དུ་འགྲོ་བ་སོགས་མཇུག་མཐར་ང་ཚོ་ཡང་རྩ་མེད་དུ་འགྲོ་སྲིད།”ལུང་སྟོང་གི་མཐོ་སྒང་འདི་ནས་སྐྱེས་པའི་བོད་ཡུལ་གྱི་འབྲོག་པའི་མི་རིགས་དག་གིས་ཐུན་མོང་མ་ཡིན་པའི་གནམ་གཤིས་ལ་སྔོན་དཔག་བྱེད་ཐུབ་པ་དང་། བོད་ཡུལ་གྱི་འབྲོག་པའི་མི་རིགས་ལ་དཔའ་ངར་ཞུམ་མེད་ཀྱི་སྙིང་སྟོབས་ཡོད་པ་ཕུད་ད་དུང་ལྷན་སྐྱེས་ཀྱི་སྤྲོ་སྣང་གི་སེམས་ཁམས་དང་མཛའ་མཐུན་གྱི་གཤིས་ཀ་ལྡན་ཡོད། ཡུལ་སྐོར་བ་ཚོས་རྟག་ཏུ་ཡ་མཚར་བའི་ངང་བོད་རིགས་འབྲོག་པའི་མི་རིགས་དང་མཉམ་དུ་ཇ་བསྲུབས་མ་འཐུང་ཞོར་དུ་ཁོང་ཚོ་དང་གླེང་མོལ་བྱེད་ལ། འདིས་ཀྱང་ཁོང་ཚོའི་གཏོང་ཕོད་ཆེ་བ་དང་མགྲོན་པོར་སྣེ་ལེན་ཡག་པོ་བྱེད་བཞིན་པའི་གོམས་སྲོལ་བཟང་བོ་དེ་ཤེས་ཐུབ། བོད་རིགས་འབྲོག་པས་རྩྭ་ཐང་སྟེང་ནས་ལོ་ངོ་སྟོང་ཕྲག་རིང་དུ་འཚོ་བ་བསྐྱལ་བ་དང་བོད་རིགས་བུད་མེད་ཀྱིས་མཐོ་སྒང་གི་འབྲོག་པའི་སྤྱི་ཚོགས་ཁྲོད་གལ་འགངས་ཤིན་ཏུ་ཆེ་བའི་ནུས་པ་ཐོན་ཡོད་ལ། ཁོ་མོ་ཚོས་ཕྲུ་གུ་གཉོར་སྐྱོང་བྱེད་དགོས་པ་མ་ཟད་རྒྱུན་དུ་ཕྱུགས་རིགས་གསོ་སྐྱོང་དང་འོ་མ་བཞོ་བ། མར་བཟོ་བ་སོགས་ཁྱིམ་ཚང་གི་དུས་རྒྱུན་གྱི་ལས་ཀ་ལས་བཞིན་ཡོད། འདྲ་པར་ཡོང་ཁུངས། greattibettour.com
འབྲོག་ཁུལ་གྱི་བུད་མེད། Diane Barker
བོད་ཡུལ་གྱི་འབྲོག་པའི་མི་རིགས་ཀྱི་མངོན་གསལ་དོད་པའི་ཁྱད་ཆོས་ཤིག་ནི་ཁོང་ཚོ་དང་ཕྱུགས་རིགས་དབར་གྱི་ཞི་མཐུན་འབྲེལ་བ་དང་དེ་བཞིན་འབྲོག་པའི་མི་རིགས་དང་རང་བྱུང་ཁམས་དབར་འཆམ་མཐུན་མཉམ་གནས་བྱ་རྒྱུ་དེ་ཡིན། དེ་དང་ཆབས་ཅིག་འབྲོག་པའི་མི་རིགས་ཀྱིས་ས་མཐོའི་ཁོར་ཡུག་དང་འཚམ་པོ་ཡོང་ཆེད་དུ་ཁོང་ཚོས་སྐུད་འཁེལ་དང་བསླས་འཐག་གི་ལག་རྩལ་གསར་བཟོ་བྱས་ཡོད། འབྲོག་པའི་མི་རིགས་ཉེན་ཁར་མི་འཛེམས་པར་མདོ་དབུས་མཐོ་སྒང་དུ་ནོར་གནག་གསོ་ཚགས་བྱེད་པར་བསྐྱོད་པ་ནས་བཟུང་། ཁོ་ཚོས་ཐོག་མཐའ་བར་གསུམ་དུ་སྐུད་འཁེལ་དང་བསླས་འཐག་ལག་རྩལ་ལ་བརྟེན་ནས་ཕྱུགས་ཟོག་གི་བལ་དང་རྩིད་པ་ལ་བརྟེན་ནས་སྦྲ་གུར་དང་གྱོན་ཆས། བལ་ཕྱར། རྟ་སྟན་སོགས་བཟོ་ཤེས་པ་དང་བསླས་འཐག་ལག་རྩལ་འདི་དག་ད་ལྟའི་བར་དུ་བེད་སྤྱོད་བྱེད་བཞིན་ཡོད།
འབྲོག་པའི་སྦྲ་ནག་བཟོ་བཞིན་པ།
འབྲོག་པའི་འཚོ་བས་རྒྱུན་དུ་རང་དབང་དང་ཡུལ་འཁྱར།སྤྱི་ཚོགས་ལས་བརྒལ་བའི་འོས་འགན་མཚོན་ཡོད།འབྲོག་པ་རྣམས་ཀྱིས་ལོ་ངོ་སྟོང་ཕྲག་རིང་གི་ལོ་རྒྱུས་ལྡན་པའི་རུ་སྤོ་ལམ་ཐིག་བརྒྱུད་ནས་ཁྱིམ་ཚང་མི་འདྲ་བའི་འབྲོག་ས་དང་རྩྭ་ཐང་བར་དུ་རུ་སྤོ་བྱས།ཁོ་ཚོ་ཁོ་ཚོའི་མེས་པོ་སོང་མྱོང་བའི་ལམ་གཅིག་ལ་སོང་ནས་འཁོར་ཡུན་རང་བཞིན་གྱི་འགྲུལ་བཞུད་ཁྲོད་ཁོ་ཚོའི་ལུག་ཁྱུ་དང་ནོར་གནག། རྟ་སོགས་རུ་སྤོར་བྱེད་བཞིན་པ་རེད། དབྱར་དུས་བོད་ཡུལ་གྱི་འབྲོག་ས། Kevin Frayer/Getty Images
གནའ་བོའི་སྲོལ་རྒྱུན་གྱི་འཚོ་བ་ནི་སྟབས་བདེ་ཞིང་ཡིད་ཚིམ་པའི་འཚོ་བ་ཞིག་ཡིན།
汉语版转自喀瓦坚公众号敬请关注
入秋设计师双色牦牛绒围巾
点击图片可进入小程序了解
【绛红之红】100%牦牛绒双色双面围巾
▼
【松石之绿】100%牦牛绒双色双面围巾
往期文章
可点击图片阅读
▼
བོད་ཀྱི་ལག་ཤེས་བཟོ་རྩལ་ཁྲོད་ཀྱི་“ཨེར་མེ་སི།” བོད་ཡུལ་གྱི་སྒམ།
ཕྱི་རྒྱལ་གྱི་སྒྱུ་རྩལ་པས་ཧི་མ་ལ་ཡའི་བསླས་འཐག་རྨི་ལམ།
རྨི་ལམ་ལག་བྲིས་མ།| སྒྱུ་རྩལ་པ་འབྲིང་བ་བཀྲ་ཤིས་དོན་གྲུབ།
背着相机的牧人 ▎摄影师贡布才让
པར་ཆས་འཁུར་བའི་འབྲོག་པ། ▎པར་བ་མགོན་པོ་ཚེ་རིང་།
སྣམ་བུ་ཐིག་རིས་གོན་པར་དགའ་བའི་བོད། ▎གསང་བའི་“མིང་རྟགས།”
བོད་ཡུལ་དང་བལ་པོའི་ལོ་ངོ་བརྒྱ་ཡི་ཚོང་དོན་འགྲོ་འོང་གི་ལོ་རྒྱུས།
བོད་ཡུལ་དུ་ཕེབས་པའི་ཉི་ཧོང་པ་ཐོག་མ། - ཁ་ཝ་གུ་ཆི•ཨེ་ཀཻ།
ཡོ་རོབ་གླིང་གི་བོད་བརྒྱུད་ནང་བའི་བསྟན་པའི་ས་ཁུལ།
ཧི་མ་ལ་ཡའི་ལྟེ་སྙིང་དོལ་པོ།
ཀུན་དགའི་ཉེན་མཆོངས་ཟིན་ཐོ། 贡嘎历险记
ཧྥ་རན་སིའི་དཔེ་སྐྲུན་བྱས་པའི་ཧི་མ་ལ་ཡའི་གཏམ་རྒྱུད་ཀྱི་སྒྲུང་དཔེ།
འབྲུག་ཡུལ་ལ་ཡག་ཚོ་པ། རྒྱལ་འཛིན་ལ་ཁའི་དགའ་སྟོན།
མཐོ་སྒང་དུའང་འཆར་ཡན་ལྡན་པའི་ཕྱི་དྲོའི་འཐུང་ཇ་ཡོད།
བརྙན་པར་གྱི་མཛེས་སྡུག་གིས་བློ་དང་རག་པའི་གོ་རྟོགས་སད་དུ་བཅུག།གད་སྙིགས་བཏུས་ནས་དམངས་སྲོལ་བཤམས་སྟོན་ཁང་འཛུགས་མཁན།
从未见过的藏地民间收藏 ▎收废品到博物馆开创者
བོད་སྐད་ཀྱི་ཐད་སྦྲེལ། CHARU1607
客服微信：charuspace
未经作者允许请勿随意印刷转载 后果自负
合作及投稿微信：charuspace